Репрезентацијата пристигна во својата данска база во Силкеборг

Ракометната репрезентација на Македонија денес замина од Винтертур кон Данска. По трите тест натпревари во Швајцарија, нашата селекција имаше тешко патување до Данска. Поради слаба поврзаност, ракометарите допатуваа до Цирих, а од таму летаа до Франкфурт. Од Германија репрезентативниот камп пристигна до Билунд, за потоа да дојде и во Силкеборг, град кој е во близина на Хернинг.

Во текот на попладнето беше одработен и полесен тренинг.

Македонија ќе престојува во Силкеборг од 13 јануари, пред да се пресели во Хернинг за настапот на Европското првенство на кое ќе игра против Данска, Португалија и Романија.